MARIA Austriaca

I.

MARIA Austriaca

Hungariae et Bohemiae Regina, Filia Philippi Archiducis ex Iohanna Arragonia, soror Caroli V. et Ferdinandi I. nupsit Ludovico Iagellonik, Hungariae Regi, qui in praelio Mohacensi, A. C. 1526. periit, A. Carolo fratre dein, cum secundas nuptias aspernaretur, Belgio praefecta, kpace bellôque egregie res gessit. Henrico II. Gall. Regibellô indictô, cum Carolus Metam obsedit, in Picardiam irrupit, terrâ longe lateque vastatâ, Mariaeburgô a se conditô postmodum ab Henrico exuta: Unde Prov. Elle a fait la fole en Bray et Marie en Bourg. Obiit in Hispania; A. C. 1558. postquam Belgium magna cum prudentiae laude rexisset ann. 25. in illud, paulo post Caroli obitum, reditura.

II.

MARIA Austriaca

Imperatrix, filia Caroli V. ex Isabella Lusitana, Maximiliano II. Consobrino suo nupta, maritum tenerrime amavit, aegro diligentissime inserviens. Illô mortuô, in Hispaniam reversa, Obiit A. C. 1603. aetat. 75. Mater 9. filiorum, et sex filiarum. Mariana Hist. Hisp. Serdonat. de feminis Illustr. Ital. Hilario Costus, elog. foem. Ill. Gall.